One Door Closes Another Door Opens

15/7

今晚與新識的朋友Ness一同去青衣城看赤壁，作為我慶祝明天生日的第二炮。

赤壁呢套戲難免與我較早之前看的同類型電影三國之見龍卸甲作一比較。

14/7

今天坐七點一果班T39返工，發現乘客比以前多左，我次次都要坐樓上差唔多車尾先有窗口位。看來無左屯東線之後，影響到好多碼頭區的乘客。

返到公司，終於有野做啦。雖然只是每月例行STOCK TAKE，但起碼好過上星期無野做去找舊FILE 去 修補。

13/7

今日仍然好早起身，但第一站仍然是找醫生。

呢一次是要由醫生向醫療卡公司申請CLAIM電腦掃瞄費，要明天先至知道結果。（因為醫療卡公司指電腦掃描要經他們批核先至有無得CLAIM)

12/7

上次中期試肥佬左後休息左兩星期，今日重新開始再學車。

可能自己睡眠質素有問題，攪到今早學車時沒有狀態，出左一樣之前從未出現的錯誤。

自從早兩天因為照X光時發現肺可能有陰影，引至果位專科醫生建議我去做電腦掃瞄去看清楚是否確實有慢性氣管炎後，為左盡可能避免自己要俾二千多三千元的費用。所以呢數日都想緊點可以不用費一仙一毫去找Sponsor。

呢二千多三千元是與呢位專科醫生掛勾的化驗所收費。呢位醫生仲俾多我另一選擇：安排入院檢查。

踏進2008年，自己的身體比之前差左好多。一有感冒便成日咳，雖然舊年已經發生有同樣問題，但今年看來比舊年仲嚴重左；到了七月仍然未好。

其實一年前已經發生同樣問題，但好彩是到了舊年呢個時後我好番晒。今年面對前所未有咁差的身體。

澳博上市，一波三折。幸好今天高院駁回司法覆核申請

http://hk.news.yahoo.com/080709/12/2x4jn.html

或者您地會問，呢樣野同我有甚麼關係？其實，我有想過去抽呢隻股票的，不過最後都無抽到。