One Door Closes Another Door Opens

17/6

今天是父親節，返到教會見到當日我申請轉會果份見證登左係月報封面，我睇到唔敢睇；攪笑係，當亞Rain和永雄說我篇見證寫得好好時；我笑著告訴他們．．唔該睇完請洗眼．．．

傍晚就算二老細想拿來看，我都係咁樣說；因為自己知自己事．．．

小弟喜歡看各地足球聯賽，甚至喜歡打Winning Eleven；深知道如果球隊要係聯賽當中有好成績，好的領隊和球員配合是必需要的．我喜愛護級大戰多於爭標比賽，因為護級大戰才表現到一支球隊的決心和激情．

我覺得自己人生好比足球聯賽，因為自己實力好有限，為了令我的人生有更出色的表現和避免自己一事無成，因而一直以來期望有一位好女生出現好似我人生教練一樣作為我另一半，令我係面對困難時仍然有最後支持．但最近感到我呢種想法有可能是錯．．

16/6

很老實告訴您們，自己想要另一半有時是自己沒有安全感作怪．．

尋日去日航酒店食自助餐，呢一餐我是一個仙都不用俾，因為我是和親戚食的．她問我有D理財的事，我說不論係我份保險和公積金買晒債券，穩陣到呢Ｄ野甚麼都唔想理，結果俾她”訓話”一番．

不知點解，自己不喜歡離開香港去外地玩和居住．珠三角仲可以，因為我的母語（廣東話）仲可以大派用場．．我以前採購的工作也不用上大陸，唔知幾好．再重要的香港幾好都有，我點捨得走呢？

今時今日，公司MD已經開到口希望員工的眼光不至放係香港入面．因為呢個是大勢，公司業務也不至於香港入面．係教會入面，成日都希望信徒有一個多文化的視野，因為外地宣教是需要的．．（所以德哥兩公婆成日希望我去參加短宣，我都唔知點回應我唔想離開香港）．

我想，點解社會要咁呢？

15/6

奉Head Office要求，我和早我十多日入職的同事Rebecca及我地的老闆朱老總今天要去數碼港去參加公司五月新員工迎新會．

呢個迎新會係公司第一次攪的，從來也沒有攪過呢ｄ野．．各dept新員工及site/dept老闆都要出現．目的除使我地新員工更熟習公司環境外，Managing Director也來訓話．但我地住大西北的，一早殺去果度其實是一件苦事，也不想去．．估唔到老闆的心態也是一樣（聽聞他是東涌人）．雖然我地可以係上環坐公司車入去．

14/6

今天是公司員工論壇的第二日，之前一次是for section head．

本來Ada以我要接電話為理由可以免役，但後來基於老總說唔夠人，我要出現．

係機場禁區入面返工差唔多成大半個月，每天出出入入檢查一至三號閘多次．以我一個成日留意差唔多年紀的女生的人．居然令我留下深刻印象的不是空姐（因為我預左地勤樣子唔會差得去邊），而係一Ｄ守三個大閘的機場保安．