One Door Closes Another Door Opens

13/6

尋日開始無拿拿牙痛，雖然早訓．．但只訓了兩粒鐘便眼光光到五點再訓過．．結果，六點半起身時死下死下啦．．

是日早餐？一定無可能係屋企煮．本來想去碼頭小食店買早餐係船到食，坐７點四班船．但後來改變主意上大快活食，坐７點８果班，因為我唔想一度坐船看報紙一度食我的早餐．．結果又俾我遇見她係碼頭小食店．．心想，無咁巧合呀．．上次收工行完東薈城後係東涌地鐵站見到她．．

12/6

今日返到公司，Ada俾了memo俾我和Rebecca，叫我地星期五早上返去數碼港開早餐會．呢個是俾新入職員工及有關地盤經理去見managing director．

聽完之後，我和她覺得．．唔係呀．．．山長水遠跑到果度食一個鐘頭早餐再返機場，晚上我仲要出返葵芳返團契．．．我仲唔跑狗呀．．仲以為公司的員工大會Ada以要人接電話為理由叫我暫時不用去是有福tim．

更攪笑係公司的team building orientation，我都未安排上堂．．．

11/6

自從張永久禁區pass到我手後，我不用麻煩Ada去Escort我入禁區．可以唔使咁早坐7點4果班船去東涌．．都唔知點解自己係都要坐果班．．某日唔知醒坐7點8果班仲感唔到慣．而且坐7點8果班我唔使花多三蚊去坐巴士去地鐵站，因為公司車是for7點8果班船的．

幫Stephen看坐他返工果班259D有無特見，我又好似唔似咁偉大．走去東薈城果Taste買野返公司食？碼頭果百佳d野仲多啦．（居然果間百佳有買的，東薈城間taste無得買）；走去東涌拿頭條日報（使唔使呀！，因為碼頭我仲要花三蚊去坐巴士到東涌地鐵）．．也許是某人係我腦海出現令我心思思．．

尋晚和Christy姐姐提到我係感情上的迷失．真的呢年多，我係感情上迷失，失去了方向．

之前自己也提過，自從與Gaby相遇，沒有一齊後．她俾我果種氣質，已經成為自己尋找另一半最新條件．但呢ｄ條件對現時的我未必match到．

相反，面對一ｄ人地喜歡我的人．．由於呢ｄ女生俾唔到我好似Gaby的氣質（即係不是我想要作另一半的人），當她們願意獻出自己的身體時，儘管明知現時自己的眼光之下她們不是我另一半的目標，自己的眼光只係變左留係情慾果ｄ事上，沒有決心去拒絕呢ｄ女生．

10/6

今日起左身，懷著訓唔醒又骨痛的身軀，加埋黃雨的天氣下返教會上主日學．誰不知我和之前數堂一樣，遲左差唔多十多分鐘返到去，居然也是今日的唯一一個學生．．．真係．．沒有話說．

之前媽媽問我，成三十多歲人自己事甚麼都唔理．有時我想，果ｄ野如理根本不是我的興趣．我想理的事，要的東西，甚麼都得唔到．（至於果ｄ野係甚麼，熟我的人估都估到）．

今年陳柏宇估唔到係男新人中跑出，無他GEI，呢首歌歌詞真係令我共嗚．．

Megabox 呢個場早兩日開左幕，見宣傳講到咁勁，所以今早自己出左去果度一遊．

其實呢個場暫時只有數間大鋪（如B & Q，Spotlight）開左．所以事前我都預左無甚麼野行．