One Door Closes Another Door Opens

而家找到野做，還晒九成八的錢後，牧師對我說希望自己出左糧後學下十一奉獻俾教會．

我當然明白他的意思，他雖然指奉獻是為了我找到工作而感恩．對我來說，就算不是因為那是基督徒及教會會友的義務；自己都應該要學習十一奉獻，因為呢間教會都對我好合適和接納自己．

不過，十一奉獻對我來說好似Mission Impossible．

今天終於交左公積金表格俾Ada，由她交番去Head Quarters．想起第一日返工收到兩套公司的退休保障計劃資料．呢兩套野夾埋都成三吋box file咁厚，我都沒有心機看．求求其其港股，均衡，債劵樣樣買D就算．註：我公司osso或mpf都可以選擇，唔似舊公司咁新人一定要買osso．

同樣，亞媽叫我買份保險．我用閃電的方式，call了做保險的友人拿份住院及意外保險．如果意外，想都唔會想下星期會交錢簽保單．

係別人的網誌入面看到此文章，想起了原來人定勝天呢個topic都困擾著我好久．

http://becky.mocasting.com/p/120034

過埋今天，明天便會重返十年前我工作的地方：赤立角機場，作為我新工作的地方．

十年前赤立角是一個沙鹿滾滾的大地盤．我那時只係機場入面一個政府工程地盤做文員仔．十年後赤立角已經發展成熟．．時間真係好快．同樣係新工作的目標入面，我也應該學懂更加成熟，更加為將來打算．學懂點樣應付批評和壓力．

看ITALK呢篇討論，提及一個新名詞”傍老族”．原來呢樣野係上面中國已經成為社會問題，我好擔心將來會入左呢群．．

http://www.hkitalk.net/HKiTalk2/viewthread.php?tid=206697&extra=page%3D1

由細tine的文章中提到網絡交友呢樣野，數數自己手指，原來自己透過互聯網交友的日子，差唔多達到十周年．．呢段時間好似係互聯網出現係現今社會時間差唔多．

當日自己覺得生活圈子太窄．．那時媽媽買了部電腦俾我細妹上網，我便乘機踏上網絡交友之路．．但到現在結果我的朋友如同旋轉門一樣轉來轉去．

呢十年來，網絡已經由56K上演到寬頻，傾計的軟件已經由ICQ發展到MSN．儘管自己某Ｄ好友都係網絡中認識的，但傾計－＞見面－＞深失似乎是大部份我係網上認識到的人所見到的循環．就算大家點傾心吐現去分享心事都好，當她們一拍拖自己感覺上已經被她們視為二等公民．

不過係網絡交友中，好多事情都會令自己大開眼界，起起跌跌經歷好多．由成班人聯群結黨wet到天光，到見到有夜總會PR透過網絡賺外快我都經歷過了．我也透過網絡認識了前女友Joey和令我真的正正式式愛上深愛著的Gaby．有次係舊公司工作時，居然識的人係自己公司同事，結果攪到全公司都知道我熱愛”上網交友”，一見到我食完飯上網到我工作表現差時便說（大家心照）．．．唔知好彩定唔好彩．

我想，網絡交友對我來說都是好壞參半．．．但影響甚深

原文 — 細tine — 2007-05-17 17:37:33

這是第11次了。
她在網上結識了一個男孩子，談了個多月，現在是msn的時代，要從icq時代開始算，這是第11次了。
她覺得很奇怪，明明報章已登了這麼多新聞，有騙財的，也有騙色的，當然騙財騙色也有的，但很多人，包括她自己，仍熱衷於網上結識朋友，這是為什麼呢？

她也無法解釋，可能是太悶吧！但與不認識的人見面，不是更悶嗎？
千遍一律地公式化，一定是看電影。
然後呢？吃飯或到coffee shop喝杯咖啡。
10次裡面，幾乎全部是見一次面之後，就無法再做網友／朋友。
「根本從來都不是朋友。」好友冷冷地向她說。

已經無做野成個半月了，雖然呢段時間都唔係無工見；send信與見工比率大約1/9到，但見工結果全部衰晒．出奇的是隨了間中叫悶想快點找到工外，沒有甚麼負面思想係自己腦海入面．呢點對於負面思想多於正面思想的我是感到神奇的．

(閱讀全文)