One Door Closes Another Door Opens

13/8

今日坐尾班公司車返工，朱太上皇同懷疑是他二奶的人坐埋部車．．點知部公司車過緊三號閘壞左．．阻塞後來車輛

司機想我地去幫手推車．本來呢單野是好少事．．．（始終無謂攪到大塞車）．．但朱太上皇四圍捉我地去推小巴．．真係攪野加離ｘ譜．不過五條友去推，一Ｄ都唔辛苦．．

10/8

今朝一去到東涌，天文台已經宣佈打一號．我仲以為係新台風，誰不知是回頭風，有點兒爆冷．．

結果個風勁到一點打三號，兩點半打８號．無船返屯門，結果坐地鐵啦．

9/8

本來今日眾人期望有8號波打，點不知令所有人大失所望．

今晚仲要去任生到覆診，不過估唔到收工坐地鐵出到去都係六點７，仲快過我返屋企．．真係．．

8/8

今日成日公司有好多野收，仲收埋一Ｄadmin的文具貨．．由於我公司的老闆放假，係無人管之下，大家係到吹下明天會唔會打8號風球（但到現在，都仲打緊一號）

今日二老細出差，時間剛好是我收工時間．．所以她找左我去食飯後才走．．

7/8

今天拿了日補假，去九記總部拿番星期六留係巴士到證件套．．入面有身份證，卡果ｄ．．

果度好山卡拉，去到荔枝角地鐵站自己找唔到小巴，唯有要飛的入去啦．．居然要跳表兩次．．．

6/8

原因見此 http://cottbus.mocasting.com/p/128486

今朝，本來想打俾入境署看看我的case可以唔可以早點補領身份證．因為上網book最快要18/8真係不可接受．．後來打俾巴士公司撞下運氣啦．．真係俾我撞中．．星期六唔見晒的身份證，提款卡，信用卡，８仔真係係荔枝角車廠失物部．．

5/8

今朝回到教會，又是我呢個比永雄當作崇拜事奉人員的”超級大後備”出場了，參與收奉獻．

今天與平時我呢個大後備出場的原因不同，平日是返到教會先俾永雄call我出場．今天是係上星期前，隔離團契的燕儀因為她們團契去CAMP，找了我做替工．

而家教會入面的年青人真係有責任感，起碼對事奉負責．．