One Door Closes Another Door Opens

14/6

今天是公司員工論壇的第二日，之前一次是for section head．

本來Ada以我要接電話為理由可以免役，但後來基於老總說唔夠人，我要出現．

係機場禁區入面返工差唔多成大半個月，每天出出入入檢查一至三號閘多次．以我一個成日留意差唔多年紀的女生的人．居然令我留下深刻印象的不是空姐（因為我預左地勤樣子唔會差得去邊），而係一Ｄ守三個大閘的機場保安．

13/6

尋日開始無拿拿牙痛，雖然早訓．．但只訓了兩粒鐘便眼光光到五點再訓過．．結果，六點半起身時死下死下啦．．

是日早餐？一定無可能係屋企煮．本來想去碼頭小食店買早餐係船到食，坐７點四班船．但後來改變主意上大快活食，坐７點８果班，因為我唔想一度坐船看報紙一度食我的早餐．．結果又俾我遇見她係碼頭小食店．．心想，無咁巧合呀．．上次收工行完東薈城後係東涌地鐵站見到她．．

12/6

今日返到公司，Ada俾了memo俾我和Rebecca，叫我地星期五早上返去數碼港開早餐會．呢個是俾新入職員工及有關地盤經理去見managing director．

聽完之後，我和她覺得．．唔係呀．．．山長水遠跑到果度食一個鐘頭早餐再返機場，晚上我仲要出返葵芳返團契．．．我仲唔跑狗呀．．仲以為公司的員工大會Ada以要人接電話為理由叫我暫時不用去是有福tim．

更攪笑係公司的team building orientation，我都未安排上堂．．．

11/6

自從張永久禁區pass到我手後，我不用麻煩Ada去Escort我入禁區．可以唔使咁早坐7點4果班船去東涌．．都唔知點解自己係都要坐果班．．某日唔知醒坐7點8果班仲感唔到慣．而且坐7點8果班我唔使花多三蚊去坐巴士去地鐵站，因為公司車是for7點8果班船的．

幫Stephen看坐他返工果班259D有無特見，我又好似唔似咁偉大．走去東薈城果Taste買野返公司食？碼頭果百佳d野仲多啦．（居然果間百佳有買的，東薈城間taste無得買）；走去東涌拿頭條日報（使唔使呀！，因為碼頭我仲要花三蚊去坐巴士到東涌地鐵）．．也許是某人係我腦海出現令我心思思．．

10/6

今日起左身，懷著訓唔醒又骨痛的身軀，加埋黃雨的天氣下返教會上主日學．誰不知我和之前數堂一樣，遲左差唔多十多分鐘返到去，居然也是今日的唯一一個學生．．．真係．．沒有話說．

之前媽媽問我，成三十多歲人自己事甚麼都唔理．有時我想，果ｄ野如理根本不是我的興趣．我想理的事，要的東西，甚麼都得唔到．（至於果ｄ野係甚麼，熟我的人估都估到）．

7/6

返了新工已經兩星期了，除非收工不是返回屯門，我都會坐船來回．雖然我坐船的時間是繁忙時間，但坐船真的好舒服．

今天收工，無拿拿想去東薈城行下．所以坐遲兩班船返屋企，感覺都唔同左，因為好少人．