One Door Closes Another Door Opens

6/4

今天展開了復活+清明旅程的第二站．．也是連續五日假期的第二日．．

5/4

今天是清明節，自己完成了一個旅程，開始了一個旅程；但仍要繼續為兩個不知何時才完結的旅程而打生打死．．

4/4

今天沒有工去見，始終果d鑽野聲（不知是２號lift改裝或裝修)好煩．．想出外走走．．但又唔想連續三日出市中心．．

本來想坐船去東涌行東薈城那outlet．．但NatNat阻止了我．．．所以都係行海翠坊啦．．

3/4

今天我去見工的地方，是我差唔多絕無機會會係果度出現的．．．深井．．公司是果度一千零一間老牌麵包／餅乾廠．．（相信您地估到是那一間了）

同樣，今天的天氣比較凍，只有十四度左右．．講真，我真係好怕係呢ｄ又凍又濕的天氣去見工，因為．．一來我咳了好耐也未好．．二來，以我的身子，加埋現時formal dressing的數量（我只有五件恤衫加兩條西褲再加一件冷衫；相反，穿Causal的話呢d天氣衛衣和果件亞仙奴大褸便出動）；正如今早我打俾Elaine時她所說，以我的身子穿果ｄ衣服．．很容易再冷病．．幸好，見工後我身體沒有差到．．真感恩．

2/4

今天開始平日沒有返工的日子．

一早起身，已經是８點多了．．如果唔係Stephen報今日259D蛇車料，我仲可以繼續訓．

1/4

尋晚又訓唔好了，一晚起了三次身．．結果當７點多起了身後，自己索性唔訓．．結果當然出街時釣魚啦．

不知點解，今早部巴士坐到慢到死，悶到數手指數左一共有８部巴士係屯公爬左我坐部車頭．

31/3

尋晚去完飲成點先訓，今朝仲要返工．當然係唔夠訓啦．

今天自己只係做左多份報關和交收工作俾我大佬．．臨走時，大佬勉勵自己將來的工作唔好好似現在份工咁符符碌碌．．．