One Door Closes Another Door Opens

21/2

今日係年初四，要返工lu．本來今日想拿sick leave，但始終責任感重要，所以都係回廠看廠醫．

今天老細未返工，所以拜見的不是老細，而係醫生．因為我病到很倦，又訓唔好．半夜醒來又唔係看歐聯．

20/2

昨晚自己訓之前突然喉嚨痛，我想又作病了．不過初四先有醫生看，真係．

但今日有一個約會，因為我係攪手，所以死到要出現．

19/2

今天是大年初二，一開始便發生一Ｄ我唔想發生的事情．．

當自己和媽媽說我去黃竹坑村影相，媽媽便問我點解唔找人一齊影相．我說有女生（其實那女生係C小姐）今日想找我出來但我REJECT左．她便問我點解，我便說我頂唔順C小姐的性格．誰不知她便說：您唔係呀，有人鍾意我都唔去試下，您快Ｄ找她（或其他女仔）出街，因為我唔想您將來孤單一人．我晚上係婆婆屋企拜年時我會問您．

18/2

今天是大年初一，先祝大家讀者新春快樂，日日開開心心．

尋晚訓得極之唔好，三點零四點眼光光到天光．如果唔係六點半到訓番的話，今日崇拜一定釣魚．

16/2

一番到公司，老細捉我入房，說因為遲ＤISO ADUIT，想我完成果份control item form先好走．所以我同意extend我last day到三月尾．．

15/2

係呢間公司已經踏入最後倒數．今時今日預備見工，看看我原來甚麼都沒有．．要由零開始的時候，我都想緊點算．．．．

未選擇甚麼工作唔緊要，始終我辭左工今時今日無謂番轉頭了．．所以現在自己開始係求職網站去找資料，不論工種或面試資料都要找．．．

14/2

尋晚打俾係某大船公司工作的Joanna，問她物流業的現況（因我想走去Logistic呢個field闖下)，誰不知她說她公司而家搬一ｄ工種上大陸，最近她公司炒了二百人．．．Oh my God ! 呢一行唔係好好景嗎？？

同時間，今天是情人節的正日，尋晚終於出了九牛二虎之力推左C小姐．不過檢討過自己，呢件事我都係衰先啦．．．因為自己想到好似我和她係感覺至上先走埋一齊．．內心不是想和她一起的．