One Door Closes Another Door Opens

4/1

今天我又俾大佬罵了，今次一如我所料，他說我做唔晒野便開OT啦．平時他們都知我食飯和收工都係最早走一個．（不過我大佬都沒有開OT)．又指我欠缺責任感．

3/1

工作每天都有問題，日日新鮮．今天也一樣．．．

聽聞下午大佬，老細和大家姐開會．．都有提我工作表現問題．

1/1/2007

先祝大家新年快樂，日日開開心心．

31/12

今天是2006年最後一天，返到教會．．居然有兩位稀客出現．．．原來係快必和她女友來我教會參觀，我也聽到林牧問他何時拉埋天窗．．． 而攪野係，他們不是聚會的主角，只係參與教會崇拜．．．我平時都係係葵青區信義會的聯區教會聚會見到他．

30/12

今天係自己長周，當然係要返工．

看看自己手頭上的工作，超過三份一有隨時爆鑊的危機．．我好似沒有能力改變面前的事實．．

29/12

今天老細捉了我入房照肺了，他說想出warning letter俾我．我也說，呢單事件係自己出錯，他出warning letter我唔反對．我想呢ｄ係承擔責任的表現，因為呢ｄ野根本係自己唔敢面對問題結果．