家
2007年02月24日很多時候有人對我說，屋企人是自己永遠的支持．但不知點解，我不感覺會係．．只覺得我一直的人生好似俾屋企人駕馭左．
由細到大，屋企人總會安排自己的路點走．我一有不同意，反應極之唔好．．例如父親選了男校，自己唔想讀便嘈．．自己就算找到第一份工時，人工明明係四千，都要說四千五．．因為屋企知道一定嘈．
今天自己已經和屋企提及辭職的問題，她們雖然係支持我，但也指我點解沒有和她相量．．她們仲開始問我的公積金會點樣．．我真的無膽說我會用一半的公積金用作還債．．雖然我承認我係有問題，但我怕告訴她們，因為一定家變都有份．．
仲有係．．她們口中提及到我可以叫價多點．．要找到大公司．．我想，找到份工不是容易．．我有心理準備人工仲俾以前仲低．
同樣，她們也問我點解唔約女生去街．．因為她們怕我找不到女友．．我心想，唔係我唔想找女友．．係找到合自己先可以．．而且儘管我想要，情況係上天也唔會幫我，因為自己個人都立立亂，點會有人會喜歡我啦．．
有時，我真的想自殺死左去仲好過．因為我總覺得自己無論甚麼的想法，都會俾父母嘈和反對．
Posted in: 家庭 |
回應(6) | 回應的RSS | 暫時未有引用通告| 
(0)
雖然你是面對有好多問題, 但那不是解決唔到.
你家人好似係不明你自己所思所想. 但都是因為佢地關心你先問你,摧你.
如果一個父母不關自己的兒女, 那佢地點會左問又問.
費時理你tim .
香港找一份工唔會好難, 只係工作環境,性質,上工時間,人工會否比以前好姐. 人一定會比較的, 所以當然想找一份更好的工作, 如期擔心不如化為動力, 努力一點去找,去send cv . 因為擔心都冇用, 坐在家, 工又唔會自己走來的, 對ma ?
其實我相信好多朋友都有同你講過你現在首要的是為著工作, 經濟為先. 有冇女朋友基本上都不是最重要的. 不要再在這裹繞圈子. 你想想,就算比你現在有 , 你有能力去結婚,去養她ma ? 可以比到安全,幸福人ma ?反而是叫她擔心, 更可能令人唔想到你一起, 因為沒有那份安全感tim.
你現在要做好自己, 處理好目前的問題先
1/工作
2/家庭
3/財務
4/女朋友
一步步來, 否則你自己經常在繞圈子,問題是不會理解到的.
自殺是解決不了問題的, 你想下死左你家人朋友會點.
你死後要面對神同面對死後生活時, 你又會點.
神未應許天色常藍,但神會比我們有足夠的力量去面對, 比我們有平安, 那我想你自己讀經都會知道.
不過神不是有求必應, 那在乎你的信心, 好似摩西, 神都要佢等好耐.
神+信心+你的行動 = 力量.
就好似你愛永不變那歌一樣 (我blog background music)
你愛永不變，從今直到永遠，深深澆灌我心田，
或天旋或地轉經滄海歷桑田，都不能叫我與你愛隔絕。
加油吧
市井聖徒之菠蘿油公主 — 2007年02月24日 10:10 下午
如果有自殺的勇氣，請您拿來花費在維持生命上。
對家庭的不滿，您可以在blog上寫下一萬次，以不同的理由去支持自己的立場，不過，只能當作是一種發洩，過後，您還是要獨自面對和收拾殘局。
信我，只有家人會在您一無所有時，用行動告訴您，他們是撑您撐到底的。
請不要自怨自艾，不要太早悔心，不要未嘗試就放棄。我很贊成巿井聖徒之菠蘿油公主的說話，您跟著她的建議去做，離正路不遠。
細tine — 2007年02月24日 10:38 下午
至於女朋友果方面~ 你既星座係巨蟹座~ 不妨留意下D雙魚座、巨蟹座同天蠍座既女仔~ 大家都係水象星座~ 感情豐富~ 應該會好夾~ 其次係山羊、金牛同處女都得~ 性格都係平實穩定~ 相處更和洽~ 以上都係意見~~
至於屋企方面~ 你已經係成年人~ 就算屋企叫你想點~ 你都有權去「解釋」~ 而且解釋都可以講得靈活D~ 可以講得樂觀D~ 例如人工~ 你可以話:而家係呢個數姐~ 只要我肯努力~ 或者會有得加人工架麻~ 例如女朋友~ 你可以話: 而家搵工仲要呀~ 我需要多D時間做呢樣野~ 女友既野唔急於一時啦~ 你放心啦~ 我唔會一世做gua佬既~ 咁樣黎氹住佢先lor~~
至於自殺~ 不如你試下做一個角色: 你廿幾歲就生左個仔~ 你努力工作~ 都係為左養妻活兒~ 供書教學~ 亦花唔少時間教你個仔人生道理~ 過左廿年後~ 你老喇~ 累透了喇~ 對個仔開始有D期望~ 但個仔竟然一時某D野睇唔開~ 走去自殺...... 你果刻會點諗?? 付出左咁多~ 到最後乜都冇~ 個心幾咁痛!!
希望你同屋企人既溝通~ 會開心D啦~~
漫柔 — 2007年02月24日 11:14 下午
小鹿 — 2007年02月25日 11:23 上午
Cottbus — 2007年02月25日 10:33 下午
有家人係身邊始終好過冇, 冇家人好咩? 諗清楚 d
可能下一份工作比較合適呢? 試一試先知
緣份(講緊 perfect match) o既野, 絕對唔係由人去定, 我見過有人可以高薪厚職都搵唔到, 又有人係最惡劣環境之中遇到真愛, 如果都唔係個天腸良緣, 何會有依 d 事呢?
Duramate — 2007年02月26日 1:26 下午