緣份?巧合？
2007年06月13日13/6
尋日開始無拿拿牙痛，雖然早訓．．但只訓了兩粒鐘便眼光光到五點再訓過．．結果，六點半起身時死下死下啦．．
是日早餐？一定無可能係屋企煮．本來想去碼頭小食店買早餐係船到食，坐７點四班船．但後來改變主意上大快活食，坐７點８果班，因為我唔想一度坐船看報紙一度食我的早餐．．結果又俾我遇見她係碼頭小食店．．心想，無咁巧合呀．．上次收工行完東薈城後係東涌地鐵站見到她．．
今日上下午都是做苦力，上午成六條友搬倉ｄ野廢printer紙去地下．．一共成百箱．．下午去左小濠灣個大倉去執大倉．．．小濠灣個大倉係政府維修場入面．．之前我去過兩次，但不喜歡去果度．．一來果度通風又唔好，二來去果度十居其９要搬重野．．．呢份工最辛苦的地方就是如此．．．．
回程部公司車遲左，所以我沒有去碼頭，行了一陣東薈城，居然發現我ｄ銀包，８仔留左係公司．．結果我身無分文．．．攪笑的係，我是最後一個離開公司和鎖門．．．．找細妹又找唔到，幸好找到一位住東涌的友人去搭救我．．．但她都差唔多要７點半是來到．．．
上次係荃灣又係咁，今次又係咁careless．．．無野好講
Posted in: 日記 |
按此回應 | 回應的RSS | 暫時未有引用通告| 
(0)
