全球視野
2007年06月16日不知點解，自己不喜歡離開香港去外地玩和居住．珠三角仲可以，因為我的母語（廣東話）仲可以大派用場．．我以前採購的工作也不用上大陸，唔知幾好．再重要的香港幾好都有，我點捨得走呢？
今時今日，公司MD已經開到口希望員工的眼光不至放係香港入面．因為呢個是大勢，公司業務也不至於香港入面．係教會入面，成日都希望信徒有一個多文化的視野，因為外地宣教是需要的．．（所以德哥兩公婆成日希望我去參加短宣，我都唔知點回應我唔想離開香港）．
我想，點解社會要咁呢？
自己曾經細細過係湖南玩時顯特掛念香港．．所以之後除了去深圳和澳門外都沒有離開過香港（當然，之後無錢去旅行也是原因）．．．甚至當年64後，屋企想供我去加拿大讀書都俾我拒絕．．．
以前的女朋友甚至出埋錢請我旅行都俾我拒絕（她是一個喜歡旅行的人），所以我和她分手的其中一原因是性格不合．唔知呢ｄ是否係原因呢．．
同樣，我沒有返大陸工作的經驗，不懂普通話．．．也使我找工作好似有困難．．．但我不介意的．．
因為香港咁好，我唔想離開呢塊地方．．離開呢塊地方，呢度的朋友我會不習慣．．
將來我是否要改變呢？但人大左，適應力可能更低．．好煩呀．
Posted in: 隨心 |
回應(1) | 回應的RSS | 暫時未有引用通告| 
(0)
