足球比賽與我的愛情
2007年06月18日小弟喜歡看各地足球聯賽，甚至喜歡打Winning Eleven；深知道如果球隊要係聯賽當中有好成績，好的領隊和球員配合是必需要的．我喜愛護級大戰多於爭標比賽，因為護級大戰才表現到一支球隊的決心和激情．
我覺得自己人生好比足球聯賽，因為自己實力好有限，為了令我的人生有更出色的表現和避免自己一事無成，因而一直以來期望有一位好女生出現好似我人生教練一樣作為我另一半，令我係面對困難時仍然有最後支持．但最近感到我呢種想法有可能是錯．．
呢排當自己和好友傾開我的感情事時，她們指出自己上面的想法不是愛情應該有的想法，有點利用別人成份係入面．不知說出呢Ｄ說話的是我的好姐妹或是我變了，出奇的自己沒有點樣勞氣．．因為過去如果某Ｄ人（特別是男生）用指正的口吻對我說話時，我會即是反駁的．．
聽完後，如果我當日真的有如此的思想．．那麼當日我是利用了Gaby的關係去俾力量做好自己？真的我不想見到係咁，但過去的已過去了．．．唯有快點找到和學懂甚麼是愛情．
不過都係果句，如果上天要我攪好自己才有另一半．．我真的好抗拒．．昨天和巴士迷又是基督徒的Eric吹開水時（他係巴迷圈子入面俾人感覺好異類）對我說他又找到新女友．．．我心想，點解上天要俾條咁難行的路俾我呢？
Posted in: 愛情 |
按此回應 | 回應的RSS | 暫時未有引用通告| 
(0)
