One Door Closes Another Door Opens

今日是７月１日，是香港回歸祖國十周年．．也是呢個網誌產生一周年紀念，更加是我出了事的一年半．

一年前的今日，為了想一Ｄ無xanga A/C的朋友可以來到我BLOG到留言．．結果決定我將我BLOG搬到來呢度．同樣，當日也是Gaby的事發生左年半．

我set up左呢個blog後，除了自己的朋友會來看看外，也會多左D Blog友來看看．當中有數位成為網友tim．也離忘的是我曾經上過人氣網誌的榜首．係呢度多謝各位來呢度觀看我blog的朋友，網友．．可以忍受我寫到令您地悶晒．

呢年半來，自己係成長路上經歷到好多野．估唔到係頂唔順工作和債務壓力下離開左工作差唔多十年的公司，重返十年前工作的地方－機場．係機場禁區呢個我無去過的地方，成個大鄉里咁樣．．．（哈哈）；同樣，見證機場由無到有呢十年來的變遷．．

但呢年半感謝主透過Elaine和一d人去幫助我．雖然係Gaby件事上我可以爬番起身，但選擇另一半上我仍亂七八糟，唔上唔落．自從Gaby件事後，自己set up左理想對象的條件已經與尋找一位心靈導師沒有分別，因為她可以幫到我（同樣也是成功男人背後的女人呢句野作怪）；但事實上我思想成熟程度是不夠班與理想的另一半配合，因此到現在，我仍然是單身，仲要為感情事煩到７彩．

但願下一個一年，年半，十年．．我不會孤獨一生，也會繼續進步