矛盾 (1)
2007年07月07日對於我屋企入面的父親，我感到十分之矛盾．
每天我係屋企都看見他一找唔到野時，係度屈亞媽亂拋棄他的野．加埋他和Powell 一樣性格：死牛一面頸．以及過去由細到大他對我帶領所行的路（例如企圖係89 64時想踢我出外國留學)，有時候我好討厭他．
所以熟我的人知道我不喜歡與男生有緊密的關係，差唔多我字典入面沒有真正的好兄弟（我大大聲聲講的都係吹水），我也好心急拍拖的一部分原因是不滿他．
當年與Gaby初相交和發展時，每晚我都與她傾電話．那時每晚她想我負責帶祈禱結束，但某一晚我和她傾傾下電話時，我與老豆炒大鑊，結果那晚她為了我祈禱．．記得她也說到，我和他咁樣最辛苦的是我媽媽．真的無錯，媽媽成日勸我就一就他．．但每次他係家對我多多批評（例如唔記得關燈也嘈），我覺得我不能原諒他．
今年，我係母親節請了媽媽食飯．．但不肯係父親節請他食飯．．．結果我又俾媽媽勸
換轉頭，他年紀大了．．見他搬野好辛苦．．有時我都好心痛．．記得我看電影半醉人間入面，周國賢某次與做他老豆的鄭丹瑞嘈時，後者心臟病發死左呢一幕．自己內心也不想發生．．所以點解我對他不知如何是好．．
Posted in: 家庭 |
回應(5) | 回應的RSS | 暫時未有引用通告| 
(0)
