真愛可以等候 (1)
2007年07月12日呢年半來，呢句野真係困擾著我．
過去自己對另一半沒有要求，結果只要是女人，只要有feel和她愛我，任何條件好快咁開始一段感情．．．盡管我好盡力維繫．．但最勁都係維持左兩三年便散了．．
最慘是果ｄ都係我飛人，令果ｄ曾經愛我的女生恨我．．．
直至遇上了Gaby後，她令我感到就算我點差點沒有條件都好，都會有人愛我的．我以往從來沒有為一個女生（就算以前女友都好）去做一些令她傷心的事（我曾經犯了呢個錯誤，差點不能與她第一次見面．結果係她原諒後我付出大量決心去令自己不要再犯同樣錯誤了）；也為此去決心地將呢件事同交托俾主（甚至禁食）．．
但最終大家沒有走左一起，她仲要”拒絕來往”．自己呢年半令自己係傷痛中爬番起身．．而呢件事也使她呢一種生命好的女生成為我立志想要另一半的條件．．．最慘是自己的心命質素所限．．．．加上有女生喜歡我而我不喜歡的常常出現，而我想要的果種女生類型我找不到．．
結果令自己唔上唔落，如果要放棄呢個自己想要生命好的另一半作為自己的理想．．我呢年半所學的功課已經宣佈失敗，因為我便會打回原形，求其地與任何一位愛我的女生（但我不喜歡的）拍拖了．．
您地也許會說我怕孤獨．．但我根本不喜歡孤獨；因為每天自己的生活我覺得與孤獨沒有分別．．．因為我感到自己好多時候獨來獨往．．
我也與神說，就算現時衪覺得未必係時候拍拖到好．．唔該俾個大家可以互相吸引的女生出現．．．我不想再要玩埋呢ｄ”尋找女神”的遊戲了．．因為呢種女生的出現．．令我沒有後顧之憂．．．安心係工作，生命和信仰上．．只可惜，現實不是這樣．
Posted in: 戀愛 |
回應(1) | 回應的RSS | 暫時未有引用通告| 
(0)
最近睇左幾本有關單身既書，開始學習順服。我願意接受單身既安排，因為我相信只要係出自神的話，一定會係最好既。就算神真係冇預備我去結婚，都唔代表神唔愛我／我唔值得被愛／我「屬靈不及格」／我比唔上嫁得出既女人／我要惡補聖經
作者指出基督徒既婚姻係要展現上帝聖潔既愛，單身亦然。好多人（包括過去既我）以為只要搵到一個好人／屬靈既伴侶，佢就可以將自己變得「完整有價值」、令我時刻都開心、可以解決所有自己解決唔到既心靈問題。
但事實上冇人可以使另一個人完整，只有上帝可以；如果一個人結婚前思想負面、不負責任、放緃情慾、自卑、冇價值感、憂鬱、有不良習慣、唔識運用金錢．．．等等，結婚並唔會令呢個人改變，只有上帝可以；同一道理，單身唔等於一定係不快樂、不完整、殘缺，因為每個人都係被神所愛及被神所造既個體，神既恩典一定夠每一個人用。
我又唔至於刻意地維持單身，但改變祈禱內容後（由“求您快ｄ比個男人我”，變成“願您的旨意成全，求您賜我獨身恩賜”），真係得到前所未有既平安，更發現原來自己未有用心去關愛我既父母同埋家人，做唔到一個好既見證比佢地認識神（因為我對父母好易發炆憎，又冇耐性同佢地溝通）。
呢家我真係能夠為單身感恩，因為如果我結左婚又生左仔的話，就要離開家庭，冇時間落實關愛父母同埋修補一家人既關係啦
基基 — 2007年07月22日 4:32 下午