道不同，不相為謀？
2007年07月22日就算和那人點不夾都好，自己甚少願意放棄一個人．因為我自己經歷過俾人放棄果種感覺．．
但今次的事，令我開始有放棄她的立場．．．
自問自己面對一Ｄ比自己更慘情況的女生，自己會容易有憐愛她們的感覺．因為我想用自己的愛心去令她們有被愛的感覺．但只可惜好多時候自己往往是損手爛腳地被迫離場．．．
N小姐前晚所講的東西，雖然我明白她俾追數公司打去公司和屋企所帶俾她的壓力．但自己有種感覺，就算我走去問人借錢借俾她都好，我相信她也不會點樣如何多謝我．．因為她始終對我唔Sponsor她去澳門玩的事耿耿於懷．．
呢ｄ真係道不同，不相為謀？
Posted in: 戀愛 |
回應(3) | 回應的RSS | 暫時未有引用通告| 
(0)
男女間既情愛可能真係比電影「神化」左啦，作為基督徒，應該明白果幾位女性朋友（及世人）既心靈問題只能夠依靠上帝本身去幫助，而唔係男女情愛。
個人認為係婚姻關係中，二人同心真係好重要。你每次都總係愛上「比自己慘」既女性，而唔選擇「身心靈一致」既女性，可能潛意識裏係因為你：
１．有內在問題未搞掂，自尊心低落，認為才德婦人一定同自己無關；
２．想利用「拯救」佢地黎搵到個人既價值感。
其實「救世主」唔係你、我、或者任何一個人類。我都好希望你相信自己配得一個心靈步伐一致既伴侶。要幫助有困境既人，始終都係要依靠神既福音。
如果我既估計錯誤，希望你唔好嬲啦，我係出於善意想將觀察到既野同你分享，唔係自以為”聖潔”去教訓你呀
基基 — 2007年07月22日 4:59 下午
過往自己好似妳提的case1，但後來自己遇見Gaby的case，令自己感到就算她點樣係身心靈上幫到自己好多，肯定自己缺欠的價值，甚至幫到自己身心靈提升後．．始終都走唔到一齊．．結果我走成日走回頭路了．．
誰是與自己身心靈一致的人，我不知道
Cottbus — 2007年07月23日 1:10 下午
我覺得有個道理真係好岩架，就係對於基督徒黎講，各種身心靈問題唯有依靠真理先可以解決到。
累積左一ｄ個人經驗後，我發覺要用真理去discipline自己既思想、感覺、行為。例如若果aware到有錯，就要向神認罪；如果有某種慾望／喜好唔合教導的話就放棄。當我好肯定自己順服神既時候，就好平安同喜樂
其實你有冇諗過，同Gaby小姐拍拖係神想train你既屬靈健康呢？你信唔信同Gaby小姐分手，同樣係training既一part呢？你信唔信就算同Gaby小姐分手、甚至獨身一世，神都係愛你同埋好重視你架呢？
以前我認為個人既感覺＆快樂係最重要，但而家就接受上帝本身先係最重要。我地係咪用心愛神、追求靈性同知識上既進步、追求更加了解神．．．等等，唔應該由環境或者別人決定，而係我地自己啊。
老實講，我都間唔中會走下回頭路（雖然唔係關於戀愛），以前我都好難原諒自己再犯錯，又覺得神永遠唔會原諒我，我以後都係咁架啦．．．但又睇左一ｄ書，作者提醒左我「神本為善」，而且神對於所有罪人都一樣有用之不盡既恩典（只要我地肯接受）！學習係個終生既過程，好少人一決志後就唔犯罪、冇困惑呢！雖然自己好水皮，但神永遠都係最掂果個！而且佢永遠都有慈愛去原諒我既弱點，更幫助我去改變，而家都睇到有ｄ成果架
以婚姻戀愛黎睇，除左因為外表＆肉體既吸引力外，好多人都希望係愛人身上得到愛與歸屬、權力感、接納．．．等等，我都唔例外！不過我又諗，其實呢ｄ需要靠神都可以等到滿足！(哈哈，你有冇睇《好男人性戰實錄》？) 似乎目前你自己都好肯定呢一刻未有合適既對象出現，我覺得真係要三思、唔好逼自己搵一個唔岩既伴侶呀！
對於果ｄ心靈質素差既人，我好贊成向佢地傳福音／鼓勵佢地多讀經，依靠神去幫助佢地。你要分析一下，究竟自己對終生伴侶既期望係乜，將同情＆愛情分開啊。
基基 — 2007年07月23日 4:24 下午