One Door Closes Another Door Opens

今天是農曆8月16，我和女友差唔多拍左一個月拖，今天參加左團契的行山和BBQ。

成班人係屯門市中心出發，之後行去何福堂上麥理浩徑第十段。

大家行左差唔多三粒鐘，都比較累。而且係大佬榮帶領下行錯左路，本來行去小欖變左行左去掃管忽，結果要坐車去第二站，小欖BBQ。

去左BBQ場，自己好多小動作都好唔小心。成日要女友提醒我，也許自己是由細到大沒有留意身邊的事物先至攪成咁。所以自己有時會忽略另一半的需要。我仲聽到教會的亞萍和笑儀都與女友說：＂我是要受教導的，因為我一直做事是比較論盡。＂

我和女友六點鐘便離開BBQ場了。

和她後來傾電話，我感到她已經對我好包容了。因為她仍對我有希望，我感受到她的辛苦。我不想某一天我仍沒有進步到，好多時候要靠另一半提醒我做人處事；因為那時便踏入分手的路途。

我明白她一直想我成為可以照顧到另一半的人，我知道將來的路自己會行得辛苦。但我會努力多點留意身邊的人和事，終成為可以照顧到女友的人。

同樣我明白，今次與她一起是不容易，所以我要更加在乎妳。我以為我呢年半我已經變得成熟，原來我仲有好多路要走。