守身如玉是另類宗教虔誠者?
2007年10月26日尋日看今期Soccer Wave，有篇文章好過癮，係有關足球員與宗教。
西維爾的簡奴迪因為球會的贊助商是賭博網站，而賭博是伊斯蘭教禁止的，所以有段時間拒絕穿呢件球衣出席宣傳活動。呢樣野已經不是新聞。
但係有關另類宗教虔誠者呢欄，他們將身為天主教徒的卡卡(AC米蘭)列入另類宗教虔誠者，似乎有點兒攪笑。
點攪笑？因為卡卡堅持要結婚後先與太太有性接觸。雖然足球員好容易吸引美女，而巴西７成人是天主教徒，但好少人守呢個教義。另方面，雖然我不同意一Ｄ守身如玉的人選擇另一半都要守身如玉呢Ｄ扮清高態度。但我覺得無理由將守身如玉當作另類宗教虔誠者，因為我個人覺得守不到身也不要緊，但守到身是人生的品格上有正面影響。不過有另一半者對另一半忠誠是比守身如玉更為重要。
所以看完呢篇文章，似乎將守身如玉作為另類，似乎有點那個。
Posted in: 閱讀 |
回應(2) | 回應的RSS | 暫時未有引用通告| 
(0)
離開罪惡唔單指係”正面影響”，更加係神對子民清楚宣佈既”誡命”，係我地要認真努力地學習既事啊！
可能你曾經被女人以自己唔係處男為理由拒絕過，感到受傷害，但希望你唔好因此將別人對另一半貞操既要求睇為”膚淺”呢。每個人都有自己既擇偶要求，神係容許每一個人有個人既喜好架嘛！你都唔係個個女人都鍾意，都有自己既喜惡啦，係咪？
正如我地都好難論斷果ｄ唔嫁八兩金／唔娶黃夏蕙既人係”膚淺”呢～不如你嘗試”原諒”果ｄ唔接受非處男既女人，祝福神為佢地預備合適既男人啦。
另外都要感恩，就係神安排左目前一位咁有愛心及愛主（又唔mind你貞操狀況）既女朋友比你。我都不知幾想上帝派個屬靈既好男人upgrade下我，支持我，又滋潤下我枯燥既生活呢！
你知唔知自己真係好幸運呀？
基基 — 2007年10月30日 11:40 下午
再回望你過去憑個人喜好及血氣經營既愛情，一定會明白神既方法一定比人既方法高明得多呢～加油呀！
基基 — 2007年10月30日 11:46 下午