今天有關巴士的故事 (2)
2007年11月21日今早係屯門坐新渡輪到東涌，本來坐開07:20果班，但因為有船壞左。將之前一班07:00 合併為07:10 開。
大家都知道S56係跟船期開，正常東涌果邊開07:40。今次因為改船期，去到東涌是07:30。
上到岸，見到S56比平日加開左部1531（正常果段時間S56係開一部21XX 和一部 22XX) 自己眼都突埋。果部1531仲打爆左，有Ｄ果班船的搭客要等07:40 果部Cityflyer 。相反S64P的乘客要呆等十分鐘。
之前下一班S56到碼頭，又係尋日果位車長（應該細過我）。他和我吹了陣水，他問我識不識英文。又指他份工好辛苦，二年合約，又要識駕駛北大成十條線。今日又要早上三點起身，返五點放五點。
雖然我知道而家新入職的巴士車長都係合約，合約制也成為現時公司請人的潮流。但我真係想到邊位衰老闆想出呢Ｄ野出來，為了令公司節省成本，令員工沒有歸屬感。
不過有Ｄ人更加要插，果Ｄ是之前買左領匯和反對兩鐵合併的人。前者（領匯）大家都知道呢間野為了賺錢，一Ｄ社會良心都無。晨早應該罷買他們股票，如果買左，真係與他們管理層助紂為虐。
至於果班反對兩鐵合併的人，明知合併左車票會減價都要反對。又係一Ｄ只求賺錢，沒有社會信心的人。
Posted in: 隨心 |
按此回應 | 回應的RSS | 暫時未有引用通告| 
(0)
