One Door Closes Another Door Opens

10/2

今天回到教會當值，估唔到好多久違的弟兄姊妹返來。

同樣教會請人的事似乎有進展，今次的講員原來之後見執事。

 

係教會與佈道部執事Clara傾開，問她總會第二屆差傳節慶要唔要我幫手（因兩年前第一屆差傳節慶我是一手一腳代表堂會開籌委會，但到現在我都未參加過短宣）。她說教會的短宣隊會參與，我想那不是一件壞事。除左呢Ｄ野始終由短宣隊一手一腳攪番會好點外，現時自己的狀態也去參與開會也沒有好處。

崇拜完後，Rain 和 Amy 也找我食飯。我已經好多個月係崇拜後沒有和弟兄姊妹食飯了。

看見教會好多野都重上正軌，我的狀態也要力求振作，重上正軌。坦白說自從她正式離開我，與我劃清界線後，自己好多野都沉下來。表面上無錯沒有兩年前Gaby沒有決定離開我後果種崩潰，也的起心肝去學車，但內裏好多野自己都是放縱緊自己，包括物質，情慾。

也許自己仲未能接受到好朋友因拍拖，分手後，連友情都失去了呢種感覺。但正如Julia之前對我說，係人生中人會失去一些東西，呢Ｄ東西包括我的朋友。呢點正正是自己不能面對的，有時腦海中甚至＂聞戰鼓，思良將＂，想起了Gaby。

唔通，自己的另一半不可能伴我成長？因為今次感情失敗其中一原因是我太依賴她。但我希望我另一半是一個可以伴我成長的人，因為我知道如果我一個人，自己不容易有決心去變。

不管如何，我要爭氣，因為人不自愛，就算另一半也不會肯來伴我成長。