One Door Closes Another Door Opens

有時候，我真是懷疑奇蹟是否可以創造。小時候所受教導，只要每件事付出恆心，決心，便可以成功。

但每次自己係感情上面臨失敗時，我自己往往充滿信心及決心。因為我相信自己肯付出努力，奇蹟可以創造。但往往結果令我失望。相反一Ｄ與感情無關的事，自己明明無心戀戰，但最後也能夠大步跨過。

明顯例子是我尾二果年日校生活，明明我決心去追果位心儀女生，結果都失敗。相反自己讀到一無事處 ，最後可以升班和拿服務獎。

係那兩次令我傷得好深的感情上，自己一直都付出無比決心於做不成戀人，都要做朋友呢個目標上。但最後明顯地對方都不想與我聯絡。

相反大家都知道我＂因工作表現不合公司要求＂而被不獲公司續約的事。今天我老闆對我說，見我係呢段期間自己做得好好，我不想妳失業，等她與經理傾傾同我續約啦。也問我如果成功，會唔會幫公司手，自己當然答應啦。當然她也叫我工照找。

但我好奇怪，自己只是以做好自己本份＂謝幕＂的心態去係呢間公司最後倒數，因為我知道呢段時間做得點好都好也不能改變我不獲續約的事實。公司點會咁好作180度轉變，變返都算有希望啦。

如果最後公司與我續約，自己真是創造奇蹟。不過我也會找工跳槽，因為呢件事明顯地合約工不受保障。