One Door Closes Another Door Opens

早晨麵包是係上環一間不起眼的麵包店，由我不認識呢間鋪頭到每次我經開上環都會專程去果度買麵包。背後有一段故事。

(102153.jpg )

當日拍拖時，女友推薦呢間麵包店的意大利包，而且仲買俾我作早餐食。我嘗試過呢間麵包店的出品後都不錯，而且該麵包店五點後的所有麵包後都有7折。所以我感覺又好食又抵。

隨著我與前女友分手，本來自己也無機會去開那度。幸好自己有位同樣都係上環返工的好友，經常叫我如果休平日時如果有空便找她食下午茶。由於我呢位朋友的工作時間比較彈性，所以大家食野時間都是大約四點，食完後時間差唔多到五點。所以我也有機會再嘗試那麵包店的出品。最近行上環永安，更看到該麵包店出品更進駐超級市場部。同樣係下午五點後７折。以一間小型麵包店能進駐出名的百貨公司，可證明該公司出品是不錯。

說回正題，呢間麵包店的意大利包點解吸引我。是因為麵包入面加了香草味。呢種味道是我未係其他麵包店出品可以找到的。而且該意大利包有三種不同SIZE，一包份量都夠我和我媽媽分享作早餐用。所以我每次經開上環，都會叫媽媽不用買麵包。我會買麵包與她分享。