One Door Closes Another Door Opens

24/6

今晚收工原本是與我契妹和肥仔邦唱K，但肥仔邦嫌人少唔去，所以取消了。

取消左，收工時天文台打三號風球，自己誤會左新渡輪停航，無船返屋企，所以便坐E31出荃灣，打算轉巴士返屋企。結果無意之中束成今晚與CA第一次食飯的約會。

自己坐E31時打電話俾亞CA傾計，她提議出來食飯；結果我係長發下車坐49X入到新城市去等她。今次食日本野，食左飯送她去大埔，結果俾她送番我上64K，不是我送她回家。

她仲會遲點告訴我今次約會有甚麼問題。我想，平時我份人一定有問題出現先至她咁講，呢Ｄ問題我相信是我的死穴。

所以回程時自己有點不開心，但無法子，那是我的問題。

其實，我仲有一樣野是近來我的朋友批評自己的，那是我對自己想要的人非常不清楚。好多時候自己為左想快點有另一半，自己盡可能與對方係性格上作出配合，因為我想我所愛的人能夠開心，原來咁樣是有問題。如果用情太深，好似之前我愛情受傷的情況便會出現。

但何謂WHO IS THE RIGHT ONE，自己是否別人的RIGHT ONE？呢Ｄ問題，十多年來似乎自己沒有深思熟慮地想清楚。完全是以目標為本而戰。