One Door Closes Another Door Opens

28/6

尋晚因為果件事令自己嚴重訓不好，一晚都起成三次身，所以今早起身時好眼訓。

不知點解，天下了好大雨。呢種雨令自己心情更灰暗。

早點出門口在樓下找Kay剪頭髮，不過明明十點鋪開都攪到遲左半小時開。剪完出去觀塘找自己的恩師Elaine食Lunch。

坐259D時自己的心都好無奈，又想起亞CA。不過以今天的情況，她肯接我電話，不過講明不與我傾電話已經比早兩日好了。不過我係車到也有為我與亞CA的事祈禱，雖然以我呢排與神差勁的關係出左事先去祈禱好似好衰仔，但我真的答應過自己盡我所能。

其實今次找Elaine食飯。都是想她教我如何面對亞CA，不過由於尋日發生左的事令自己好亂。結果尋晚好夜已經找左Elaine傾左，今日變左我與她及她舊同事食飯。今日去Tomato 到食，Set lunch $68連蛋糕都好抵。件蛋糕都好大件。

Elaine俾自己的忠告是順其自然，用平常心去面對我與亞CA的發展。呢樣野，之前Erica也提過我，不過昨日的事令自己自亂陣腳。Elaine指出順其自然是好似普通朋友咁關心，俾亞CA一點空閒去安靜，不是好似與Ex 分手時自己發矛地狂SEND短訊。她想我自己當日係Ex分手時的情況引以為鑑。而且，Elaine希望我自己去了解自己的性格是點樣，從而去找一個合適自己的女生去發展。她也feel到自己有時不聽人講的性格提醒了我。

食完飯與她和她同事行街看衫，之後因為我約左之前BID我波衫的朋友，所以去旺角交收。後來見左有部72X，自己心血來潮上左車。不過我真的好累，係車到訓左。（其實，我自己一直都想緊今日好不好入去大埔。至於點解，自己知自己事。）

在大埔中心行左一圈後回家。途中與昨日Send短訊俾我的叻叻傾電話。除了告訴她考中期試肥左外，她係Facebook我的intro和本網誌知道我呢兩日的事後，她覺得我好傻。但真的自己一個人又可以去邊度啦。