2008 上半年的回顧
2008年06月29日明天是6月30日，呢半年來好多事發生在我身上。
或者嚴格來說，感情事仍然一塔胡塗，整體生命也是差左。
在工作上，自己估不到係年尾Appraisal無事之下，公司居然與我唔續約，雖然最後公司再同我續番約。但我對呢間公司失去信心，最慘是自己SEND左好多EMAIL出去跳槽也無人回覆，而我開始得留係呢份工有點浪費時間。
唯一一樣突破自己的限制便是成功報左學車，但現時情況也比較尷尬。因為筆試和中期試不能夠一TAKE PASS，而係學車中好多錯誤未能夠一時三刻改正到。到將來路試也未必有機會一TAKE PASS。自己今年考到車牌是自己目標之一。另一樣野突破的是我第一次去抽新股抽中左。做左中鐵建(1186)的一手500股的小股東。呢樣野都是受Erica感染後去嘗試做的。係信仰上更加，差不多可以算退步好多。
最大件事是係感情方面，被以前女朋友分手後與我劃清界線後。自己經歷過每星期與 Erica及她兒子出街玩，順便幫助她照顧兒子的日子。呢段日子根本連自己都不知方向，始終我和Erica的關係雖然只是甚麼都會傾而不會發展的朋友，她老豆及細妹都甚至知道我呢個人存在；不過正如好多朋友所說長久呢種每星期記居於她們兩母子一家的關係是對我，她及她兒子沒有好處。之後遇見亞CA，她的出現令我忘記了Ex與我劃清界線後的傷痛，大家也嘗試看看是否可以一齊，只可惜因為一個自己的錯誤便失去左機會。幸好的不是失去了友情，如果不是就讓自己跌倒最一次傷痛入面。或者我真的要接受，所有熟我的朋友一面倒都認為我現時未係時候拍拖啦。但有一段好的感情及婚姻真是我的理想，我不想放棄任何時候都可能會出現的機會，就算我唔夠班成為別人男友又要嘗試；另方面我也不想因為我勸不聽而失去友誼。因為我已經出晒名不聽別人勸告自把自為，我不想因為我不接受別人勸告而失去朋友，所以我內心好矛盾。
Posted in: 隨心 |
回應(10) | 回應的RSS | 暫時未有引用通告| 
(0)
這些你不喜歡聽的說話, 你也會刪除本人的留言, WELCOME!!
小天使 — 2008年06月29日 10:51 下午
Cottbus — 2008年06月29日 11:01 下午
請你回轉吧！聽聽上帝對你的要求，如何面對性，女性，感情，友誼，工作，學習，家庭．．．．
Venus — 2008年06月30日 12:09 上午
叻叻 — 2008年06月30日 1:06 下午
你話今年內唔談感情事~ 轉個頭又做~ 似乎D女仔~ 唔同你好屬或者冇同你行~ 就唔會抗拒你~ 相返同親你行過既~ 個個都離開你~ 朋友都做唔返~ 有冇檢討下自己呢??
我知道你當機會黎到~ 你就會花盡幾百倍心機去追求~ 或者你覺得拿拿聲搵返件女陪你極度重要~ 但你有冇諗過~ 拍拖過後既感情生活~ 如何keep得長久先至最重要呢??
你話「就算我唔夠班成為別人男友又要嘗試」~ 咁樣表示出你好夾硬黎~ 你可否用下第二種方法~ 先了解下對方性格~ 了解得耐D~ 唔好下下都咁衝動話拍就拍~ 同埋你係咪有D唔好既習慣~ 唔好既行為模式~ 先至令到個個都離開你呢??
只要你繼續用自己果套~ 唔去改善~ 就算俾多10次機會你都冇用...... 老實講~ 你真係好感情用事~ 感性到失去理智果種~ 你有冇理性既一面呢?? 咁多人留言俾你~ 俾晒D方法你~ 但你始終冇變過~ 依然故我~ 我自己都感到白費心機......
漫柔 — 2008年06月30日 2:43 下午
Ca — 2008年06月30日 9:55 下午
小天使 — 2008年06月30日 10:11 下午
powell — 2008年07月02日 7:14 上午
Cottbus — 2008年07月09日 8:14 上午
我其實好agree with Venus & 漫柔 . 基本上你已經令好多人對你好disappointed 了. 你看一下連新認識你的Ca, 都覺得你有問題. 那你是否應該再去反省一下呢? 我應該都認識左你一年了. 由我開始認識你到現在. 都唔止一次提你. 比意見你. 不過好多blog 友也比左好多意見你.. 但你都係左耳入右耳出. 聽完又係這樣. 你唔單令大家blog友, 朋友, 連支持你的人都心灰.. 你有沒有聽我講同神呼求呢? 你一日唔do .一日都係在這個情況中. 那沒有人help到你. only by you . 如果你唔想再keep on lose 朋友. 那你自己想一下.. 我暫時都好忙. 我自己都為家,為工作在煩在忙. 所以我暫時唔想再想你的問題了.. 你自己認真的回想, 再定位一下吧. 希望你唔好令大家再disappointed.
菠蘿油公主 — 2008年07月13日 4:34 下午