One Door Closes Another Door Opens

4/7

以小弟的性格，就算放假都唔會100%留在家中，找朋友出街去。因為留在家除左上網，我都唔知仲可以做Ｄ甚麼，我不想做一個電車男。

不過我今日因為之前數日咳到死下死下，所以索性唔返工，拿了一日病假。

呢半年來自己身體差左好多，如果一有傷風咳，手尾便好長，看左兩次專科都束手無策。可能是早幾日下雨，所以咳又發作。尋晚坐63X去市中心時和叻叻，Steven傾電話她們都感到我咳到好勁。雖然自己仲可以返工，但我唔想同事投訴我成日咳，所以拿了病假。

看醫生，順便叫醫生幫手度我血壓，結果當然無事。我感到尋晚易達時班人根本係想昆人錢。

在家我有訓了一陣，仲有去聽早數天Angela叫我聽的她教會講道帶。今次她想我聽是有關向神呼求的事，那位講員希望弟兄姊妹遇到事時，第一件事不是要找人幫，而是找神幫。不知點解呢樣野對自己來說好似好遙遠，好似自己都仍未能獨立去向神作出呼求。之前向神認罪唔夠三日又再犯罪咁。

不過另一方面，我的的確確也不喜歡某Ｄ基督徒對人的態度。當某人某樣野令人失望的時候，便會同人劃清界線，而不是鼓勵該位朋友跌倒再起身。唔通他們無衰左野的時候？我不信啦。