One Door Closes Another Door Opens

作為小弟網誌的長期讀者，相信大家清楚小弟與某人係網誌回應欄到沒有理性咁對罵。無錯，我認同某Ｄ朋友認同他留言的意見都是為我好（因為部分內容與當日EX俾我的意見一模一樣)。但我真是不想由呢個我不會再視他為朋友的人說出。

或者您地會問，點解一個相識雖然不是深交的同性為甚麼今時今日會大家反目成仇？而且好多人的意見都叫我認識多些同性朋友，為甚麼我決定放棄呢條友成為我朋友？我想是我發現左一件事開始。

當年(2005年尾)自己係網上遇見Gaby時，她和我傾電話時也有提過同一時間也認識到果位朋友。最後她選擇與我見面及發展。之後我和她的結局如何，識我多年的朋友都會知道（如不知道，請由頭2006年7月開始看，您會知道2006年初自己發生左甚麼事）。當日自己不開心，雖然我一向係該網的言論和呢位朋友不合，但我仍有與呢位朋友傾過，仲俾他知道呢個網址。

自己花了好大力氣先係痛苦中起番身，也與一位女性朋友拍拖。但後來自己係偶然之下俾我知道原來Gaby也有與呢位朋友仍以普通朋友形式聯系，呢件事令我好不快。因為自己感覺好似輸俾他呢個人。但因為另一方面係理性上我明白自己沒有證據係呢件事入面去Judge他（始終大家是成年人，Gaby選擇與我成為朋友是她的決定)，自己選擇去避免與呢個作任何接觸，也不想呢位朋友去理我自己的事。因為我覺得疏遠呢位朋友是我解決知道呢件令我不開心的事上唯一方法。

但呢位朋友的性格及說話直接，令我與他係呢度經常引起衝突，自己覺得自己俾呢條友騎著我和活係他的陰影下。自己曾經說過我不想他再係我的事上指手劃腳，但他沒有聽。迫使我作出如此不理性的回應。

我明白大家或者覺得我咁做法是比較差和幼稚，並想我擴闊自己的思想去接納他的意見，呢點我都承認是有問題，但我坦白說無法接納所有經過呢位朋友口中的說話，希望大家能夠明白我不想活係他的陰影下。

儘管如此，將來我仍會努力去使自己再成熟一點。