向神的投訴信(2)
2006年07月06日親愛的天父
有時我會想投訴你，點解您會俾我生長係一個比其他人好但不快樂的家庭入面．自己寧願長於環境複雜但自己活得開開心心的家庭
細到大，父親總會安排我入名校．．令我去成材，呢點不容否認係好事．但自己根本不是讀書的材料，自己仲要和其他人同年紀的親戚比較．自己感到不開心，仲要面對自己係學校俾人欺負問題．由細細個開始自己要定上中六，上大學為自己的目標．．
到了中五，自己重讀，雖然找到間津貼中學收我．．但屋企好似唔多開心．．之後重讀成績仍然欠佳．．他仲想送我出去外國留學．．他根本沒有想過我係果度孤單一人，目的只不過他當年係６４後對香港前途沒有信心，將我作犧牲品．
到要出來做野，他想我找工作要找政府工，大機構，不要選擇細公司．．講真，我根本對找甚麼工作沒有所謂．．他想我有要求真的令我辛苦．
現時，我覺得他由細到大，沒有讚過我一句，但我不開心．．為甚麼神您要我有此父親呢？雖然今時今日自己攪成咁我都要有份，因為我樣樣野和他對著幹．．但真的，如果沒有他要求我成材，俾我自由選擇，我會比以前更開心．不會今時今日仍孤單一人．我又不想推卸自己咁梅的責任完全係他身上．因為他想我成才，但根本不明白我想點．．．．
天父，求您教我點樣接納呢ｄ咁的父親，阿們．
Posted in: 宗教 |
按此回應 | 回應的RSS | 暫時未有引用通告| 
(0)
