One Door Closes Another Door Opens

今早又和老豆係生活習慣起衝突，互罵當中甚麼惡毒的字眼出晒來．媽媽又同我說，我讓下老豆啦．他有點神經衰弱，成日怕用晒ｄ錢．

用晒錢，我覺得係他選擇55歲提早退休所帶來的結果．明知他仲有工作能力，明知做野實有不開心，點解唔做多數年野呢？

有時我明白到甚麼叫做遺憾，他怕做野唔開心便提早退休，也怕用晒ｄ錢便向家人亂發脾氣．直至我要搬出來住，但他又從來無關心我拍拖的事．結果我加埋工作壓力，便亂花錢，亂找女朋友，攪到我成身負資產，也斷送我將來（孤獨一個，雖然我想要，上天又唔俾另一半我）．我無否認部分係自己選擇錯誤而成；始終選擇錯誤的後果要自己承擔．但的確如果他唔係咁，我會活得更開心．但如果現在俾我選擇，我真係向上帝說我唔想有如此父親．

也許我真係要學習全面寬恕他，但每次如此係生活習慣衝突而對罵，我便無可能咁做了．

Elaine曾經和我說過我若要選擇和另一半拍拖，要令她有幸福．我明白她的意思，想我短時間不會有可能了．．因為我不能帶俾女孩幸福．儘管我知道轉變要時間．但真的我有時真係想只係曾經擁有．

For ref 寬恕令人快樂 : http://cottbus.mocasting.com/p/93356